امتحانی سینٹرز میں مجموعی طو رپر 18ہزار سے زائد اُمیدواروں نے حصہ لیا۔ دوسرے انٹری ٹیسٹ کیلئے انتظامی اُمور کا جائز ہ لیتے ہوئے یونیورسٹی کے وائس چانسلرپروفیسرڈاکٹر اقراراحمد خاں نے انتظامات کو تسلی بخش قرار دیتے ہوئے انتظامی کمیٹی کنونیئر ایڈمشن کمیٹی پروفیسرڈاکٹر شہبا ز طالب ساہی‘ رجسٹرار طارق محمود گل‘ ٹریژرعمر سعید قادری اور ڈیٹابیس ایڈمنسٹریٹرمسٹر وصی احمد کی کاوشوں کو سراہا۔ دوسرے انٹری ٹیسٹ میں فیصل آباد مین کیمپس میں 12 ہزار سے زائد طلباء نے شرکت کی جبکہ پنجاب بھر میں 13مختلف اضلاع میں قائم امتحانی سنٹرز میں 6ہزار کے لگ بھگ طلباء شریک ہوئے۔ واضح رہے کہ پہلے انٹری ٹیسٹ میں بھی مجموعی طور پر 19ہزار طلباء شریک ہو چکے ہیں۔